Nouzòt krò
Nouzòt krò in langaj çé fondasyon pou kiltir-la. Ékan in langaj tombé endòrmi, kiltir-la ki asosyé avèk, li vini vilnérab a lasimilasyon, malkompréensyon é malreprézentasyon. En plis, langaj-la çé in gro sous pou mañær n’ap gaddé moun-la. Parlé, lir épi ékri dan kouri-vini, ça donn nouzòt in konnèksyon profon a nô kiltir é lidentité. No krò çé jolimen importan gin résous pou moun k’ap aprenn pou réklamé in langaj léritaj en danjé.
Nô Konséy
Clif St. Laurent
Préziden
Amber Leigh Moore
Vis-Préziden
Dè Christophe Landry
Sekrétè
Dè Angélique Bergeron
Trézoriyè
Shantal Frazier
Kalindah Marie Laveaux
Tammy Ozier
Candice Perkins Montgomery
Shawanda Marie
Lawrence Mason III
Alex LeBlanc
Stephone Coward
Ansyin memb konséy
Adrien Guillory-Chatman
Brandon Joseph
Jason Ledoux
Chanel Jones
Jonathan Mayers
Dè Sheriden Booker
Michael Gisclair
Shannon Boutte
Nouzòt Misyon
Chinbo, Inc. dédiyé a réklamasyon a kouri-vini-la, langaj en danjé a Lalwizyàn.
Pou akompli nô misyon, no:
Fourni résòs lédjikasyon é pou aprenn a kominité Lalwizyàn é sô djaspora.
Nouzòt Vizyon
Pou tenn kouri-vini parlé enkò pli dan kominité Kréyol Lalwizyàn otour latær.
Valœr
Réyiñon: Nou aprésiyé kolaborasyon ent famiy é kominité dan réjyon Kot Gòlf-la ou téritwar istorik Lalwizyàn é djaspora Kréyol Lalwizyàn-la.
Rékonnèksyon: Nou aprésiyé kouri-vini – in langaj ki té dévlopé dan Lalwizyàn – é mañè li impakté kiltir Kréyol Lalwizyàn-la. N’olé donné moun loportinité kontinnwé viv nouzòt tradisyon dan kouri-vini.
Aprenn enkò: Nou aprésiyé moun k’olé aprenn enkò dê langaj léritaj atravè kominoté-la épi konnésans akadémik-la.
Rédonné lavi: Nou aprésiyé linvèstismen dan résous tradisyonnèl é dan tèknoloji ki rédonn lavi a lédjikasyon kouri-vini.
Réklamasyon: Nou aprésiyé tou nouzòt listwa é nou krò moun Kréyol Lalwizyàn é réjyon Kot Gòlf-la dwa rakonté yéchènn listwa, olyé listwa ki pa komplèt, linformasyon kròsh, komodifikasyon, mové lintensyon, é préjijé.
Fé avèk souchin a
|
Made with the support of
