Nouzòt krò
Nouzòt krò in langaj çé fondasyon pou kiltir-la. Ékan in langaj tombé endòrmi, kiltir-la ki asosyé avèk, li vini vilnérab a lasimilasyon, malkompréensyon é malreprézentasyon. En plis, langaj-la çé in gro sous pou mañær n’ap gaddé moun-la. Parlé, lir épi ékri dan kouri-vini, ça donn nouzòt in konnèksyon profon a nô kiltir é lidentité. No krò çé jolimen importan gin résous pou moun k’ap aprenn pou réklamé in langaj léritaj en danjé.
Nô Konséy
Shantal Frazier
Trézoriyè
Dè Christophe Landry
Sèkrètær
Asistan Dirèktœr programm
Michael Gisclair
Mèt-latwal
Amber Leigh Moore
Rélasyon piblik
Clif St. Laurent
Vis-Préziden
Dirèktœr programm
Jonathan Mayers
Préziden
Dè Angélique Bergeron
Tammy Ozier
Jason LeDeaux
Shawanda Marie
Brandon Joseph
Dè Sheriden Booker
Candice Perkins Montgomery
Kalindah Marie Laveaux
Shannon Boutté
Ansyin memb konséy
Adrien Guillory-Chatman
Chanel Jones
Nouzòt Misyon
Chinbo, Inc. dédiyé a réklamasyon a kouri-vini-la, langaj en danjé a Lalwizyàn.
Pou akompli nô misyon, no:
Fourni résòs lédjikasyon é pou aprenn a kominité Lalwizyàn é sô djaspora.
Nouzòt Vizyon
Pou tenn kouri-vini parlé enkò pli dan kominité Kréyol Lalwizyàn otour latær.
Valœr
Réyiñon: Nou aprésiyé kolaborasyon ent famiy é kominité dan réjyon Kot Gòlf-la ou téritwar istorik Lalwizyàn é djaspora Kréyol Lalwizyàn-la.
Rékonnèksyon: Nou aprésiyé kouri-vini – in langaj ki té dévlopé dan Lalwizyàn – é mañè li impakté kiltir Kréyol Lalwizyàn-la. N’olé donné moun loportinité kontinnwé viv nouzòt tradisyon dan kouri-vini.
Aprenn enkò: Nou aprésiyé moun k’olé aprenn enkò dê langaj léritaj atravè kominoté-la épi konnésans akadémik-la.
Rédonné lavi: Nou aprésiyé linvèstismen dan résous tradisyonnèl é dan tèknoloji ki rédonn lavi a lédjikasyon kouri-vini.
Réklamasyon: Nou aprésiyé tou nouzòt listwa é nou krò moun Kréyol Lalwizyàn é réjyon Kot Gòlf-la dwa rakonté yéchènn listwa, olyé listwa ki pa komplèt, linformasyon kròsh, komodifikasyon, mové lintensyon, é préjijé.
Fé avèk souchin a
|
Made with the support of
